متشتريش الفحم دة مهما حصل
Updated: Jun 23, 2020
تسوية الأكل علي شواية الفحم أصبحت من أكتر الحاجات اللي الناس بتستمتع بيها.
في وقت الحظر والكورونا ممكن تشوي كنوع من التغيير ليك ولأطفالك وبعيدا عن الكورونا، بتشوي مع أهلك وأصحابك، تقضي وقت لطيف وتاكل اكلة مختلفة.
الفحم زمان كان بيستخدم كوقود للمحركات. النهاردة بقي يتم تصنيعه من نفايات نشارة الخشب وهيكل جوز الهند الخارجي بعد وضعة في بيئة قليلة الأكسجين لفترة.
يتم ضغط الفحم وتصنيعه بطرق مختلفة حسب نوعه.
الأنواع كتير وانت اكيد عايز تعرف افضل نوع لأفضل طعم؟
الخبراء اتفقوا علي ان نوع الفحم مش بيأثر علي طعم الأكل (إلا لو كان فحم سريع الاشتعال) لكن في الحقيقة الفحم بيأثر علي جودة النار والوقت المطلوب للتسوية.
أنواع الفحم:
شكله عادة بيكون زي كتل الخشب المحروق وبيكون معمول من خشب شجر الكريز، هياكل جوز الهند الخارجية، شجر المسكيت أو التمر هند.
لا يتم كبس فحم الكتل كغيرة من الأنواع ودة بيخلية يسخن أكتر ويتحرق اسرع وميسيبش بواقي كتير وراة.
الخبراء بيحبوا يستخدموة مع الأكل اللي بياخد وقت طويل علي الشواية زي البريسكيت والريبز وغيرة.
في ناس بتحس انة الفحم الكتل هو البديل الطبيعي، الصحي والأفضل للاستخدام.
قد يكون مرتفع السعر ومش سهل تلاقية في كل مكان.
قوالب الفحم الحجري المصنعه
معظم الناس بتستخدم الفحم دة نظرا لتوفرة في كل مكان. النوع دة بيدخل في صناعته خامات كتير وبتم كبسة وبياخد شكل منتظم زي اللي في الصورة كدة. الشكل دة بيديلك إمكانية وضعة في الشواية بشكل منتظم وتقسيم الشواية لجزء ساخن جدا وجزء أقل حرارة عشان تسوي حاجه زي الستيك مثلا.
القوالب تعتبر أقل في درجة إشتعالها اذا ما تم مقارنتها بفحم الكتل وعشان كدة المحترفين بيستخدموها في الأكل سريع التسوية زي الستيك والسمك.
أحيانا يصدر فحم القوالب رائحة تشبه رائحة الوقود (جاز او بنزين) ولكنة لا يؤثر علي طعم الأكل بشكل كبير.
المطاعم الكبيرة عادة بتستورد فحم مخصوص من اليابان نظرا لخلوة بالكامل من الكيماويات والإضافات وبياخد وقت أطول من الفحم العادي في الاحتراق علي الشواية منتجا دخان ورائحة أقل من غيرة.
في منة ٣ آنواع، الفحم الأبيض (البينشوتان)، الفحم الأسود وفحم الاوجاتان.
فرصتك في إنك تلاقي النوع دة من الفحم مش كبيرة ولو محظوظ هتلاقيه بس لازم تدفع كتير.
ممكن تاخد نتيجة كويسه جدا من الفحم التايلاندي من غير ما تدفع سعر الفحم الياباني.
في مشاهير بيصنعوة بنفسهم من شجرة فاكهة اسمها الرمبوتان، بيسخن كويس واستهلاكه مش كبير ومش مكلف.
مكعبات الاشتعال
لو حصل وقابلتك في أي مكان، اعمل في نفسك معروف ومتشتريهاش، لية؟
مليانة مواد كيماوية ومحفزات اشتعال وبدل ما تستخدمها تقدر تجيب مدخنة صغيرة للفحم وتستعمل ورق من تحتها حتي يتم الاشتعال بالكامل.
في منها كمان انواع مصنعة من مواد طبيعية بالكامل زي اللي في الصورة اللي تحت وتقدر تشتريها من الرابط دة:
Follow us: