top of page

٣ خطوات لتجهيز الستيك | ما قبل الشواية

Updated: Nov 21, 2019

تسوية الستيك حرفة مش سهلة ومحتاجة مزاج رايق ومعرفة، مش مجرد انك تطلع الستيك من الثلاجة وتحطه علي الشواية. طبعا ممكن تعمل كدة لو عايز، لكن لو بتحب تاكل ستيك مظبوط، هتطلع نتايج أفضل بشوية معلومات هتعرفها في السطور القليلة القادمة.

دليلك لأفضل ستيك علي الشواية.


#steak #seasoning #salt #pepper



أول حاجة لازم تعملها هي انك تطلع اللحوم من التلاجة وتسيبها توصل لدرجة حرارة الغرفة لمدة نص ساعة علي الأقل. في الوقت دة تكون انت بتقوم بتجهيز ونظافة الشواية والشبكة وإشعال الفحم.


تقدر كمان تشيل الدهون الزيادة من علي اللحم مع ترك القليل منها علي كل جانب نظرا لما تحملة من طعم غني ورائحة شهية.






الستيك البارد، ستيك ناشف، صلب ولا يتمتع بأي قدر من الليونة


أهم شيء لضمان تسوية جيدة وستيك يتمتع بالليونة هي التسوية السريعة علي نار عالية، سواء هتعمل الستيك علي الشواية، في الطاسة او بأي طريقة، لو الستيك بارد، هيحتاج وقت أطول علي النار ودة هيزيد من صلابته ويقلل من جودتة. كلما زادت برودة الستيك عند التسوية، كلما ازدادت صلابتة.


في بعض المدارس بتقترح ترك الستيك بالخارج لمدة قد تصل لساعة واحدة. المشكلة هنا انك بتعرض الستيك لاحتمالية وصولة لدرجة حرارة منخفضة (الدرجة الحرجة) جدا قد تؤدي لفسادة نتيجة نمو البكتيريا مثل الايكولاي وغيرها. ولذلك أفضل الالتزام بنصف الساعة فقط حفاظا علي صلاحية وجودة اللحم وصحة حضراتكم.


طبعا الكلام دة بيختلف من بلد لبلد ومن بيت لبيت وبيعتمد علي درجة الحرارة الخارجية اللي هتسيب فيها الستيك خارج الثلاجة.


قم بإضافة الملح والفلفل فقط لا غير


بالنسبة لتتبيل الستيك فمفيش أي داعي لإضافة حاجات كتير زي البصل والتوم والبقدونس. الستيك بطبيعته غني بالطعم ولا يحتاج لإضافات قد تطغي علي طعمة.


في أنواع كتير جدا من البهارات الجاهزة والخلطات الجيدة لكن الستيك فعلا لا يحتاج إلي أي شيء سوي الملح الخشن والفلفل الأسود الطازج.


الملح الخشن او كما يسميه البعض، ملح البحر، هو الأفضل علي الاطلاق نظرا لشكلة الكريستالي وقدرته علي اختراق الخلايا والمسام في الستيك وايصال الطعم لكل الطبقات، خاصة اذا كانت قطعية سميكة مثل الريب آي، التوماهوك، البريسكيت أو اللوين.


وإضافة الفلفل الأسود الطازج طبعا يعتمد علي رغبتك الشخصية وإن كنت تحب الأكل ذو الطابع السبايسي.

تتبيل اللحوم موضع كبير ويتسع لكتب كاملة وهنتكلم علية بتفاصيل أكتر في مقالات وفيديوهات قادمة.





قم باستخدام الروزماري كفرشاة لإضافة الزبدة السايحة


أخيرا وليس آخرا، في ناس كتير بتضيف مسحة من الزيت علي الستيك ودة شيء جيد جدا عشان بيمنع الالتصاق بالشبكة وبيحافظ علي ليونة الستيك.


بس لو عايز كمان توصل لنفس الهدف بطعم أحلي، إستخدم الزبدة بدلا من الزيت. قم بمسحها علي اللحم قبل الوضع علي الشواية.









587 views0 comments
bottom of page