top of page

٥ أسباب تمنعك من أكل اللحوم مكتملة التسوية (الويل دان)

Updated: Sep 19, 2019

لو حصل قبل كدة إن أصحابك ضحكوا عليك عشان طلبت "ريب آي ستيك" مكتمل التسوية، فأنا كمان عندي خبر مش كويس ليك.

طبقا لكبار الطهاة (celebrity chefs)، أصحابك علي حق.

بس قبل ما تزعل وتمشي، خليني أشرحلك الأسباب وأوعدك بنقلة نوعية في الستيك القادم.

١ عمليا انت بتدمر جودة القطعية بالتسوية الزايدة:

في قطعيات لحوم كتير، منها حاجات للسلق وحاجات للتحمير والطبيخ وغيرة، لكن الستيك تحديدا محتاج معاملة خاصة من أول المرعي، تغذية المواشي، المدبح و طريقة التعتيق والتخزين لحد مرحلة التسوية سواء على الشواية أو في الفرن.

في واحد من ال “pitmasters” المشاهير دخل في جدال كبير جدا علي موقع “Reddit" علشان يثبت إن الستيك مينفعش يتاكل غير متوسط أو قليل التسوية “medium or medium rare”



٢ ازدراء أو عدم احترام الناس اللي كرست حياتها في تربية المواشي والجزارين

من أول المرعي والراعي لحد الجزارة والجزار، كل شخص شغال بيحط وقت ومجهود كبير في الصنعة عشان يوصلك ستيك كويس. اللحظة اللي بتطلب فيها ستيك مكتمل التسوية، انت بتدمر كل اللي عملوه. بالضبط زي النجار اللي بيستخدم صنعته ومهاراته وأجود أنواع الخشب عشان يعملك دولاب حلو، وبعدين حد يحرق الدولاب في النار.

الشيف الشاطر مش بس عايز فلوس، الأكل المظبوط أهم بالنسبة له.



٣. الستيك مكتمل التسوية بيتحول لخشب

جسم المواشي ملئ بالدهون والسوائل اللي بتشبع إحساسك بالطعم وتخليك مبسوط واللحمة بتدوب علي لسانك، التسوية الزايدة بتخلي كل الجمال دة ينشف ويتحول لخشب.

التسوية المتوسطة هي مرحلة ذوبان الدهون لإضافة الطعم ال “juicy” مع الحفاظ علي عدم تكسير البروتين.

مش لازم تاكل الستيك بدمة بس لازم تحافظ علي لونة الزهري.


٤. الشيف مش هيعمل الستيك بنفسة

زي ما موقع “Reddit” بيقول، عادة الشيف مش بيهتم بطلبات الستيك مكتملة التسوية بنفسة، لكن بيخلي المساعد هو اللي يعملة بحجة انة الزبون مش فاهم وان أي ستيك هينزله هياكله، ولو معجبوش تبقي غلطته (الزبون طبعا)



٥. فلوسك ضاعت

بتتعب نفسك وتلبس وتنزل تروح مطعم وتشتري ستيك غالي محروق زي اللي بتعملة في البيت وتدفع وتروح تنام.


الخلاصة: المرة الجايه جرب تطلب الستيك بتاعك متوسط التسوية "ميديوم" وهتشوف الفرق ينفسك.


466 views0 comments

Comments


bottom of page